काठमाण्डौ, 22 अप्रिल 2021
नेकपा एमालेको पार्टी सञ्चालन थापाथलीमा रहेको कार्यालयबाट शुरु भएको छ । आज लेलिन दिवसको अवसर पारेर थापाथलीमा रहेको भाडाको घरबाट कार्यालय सञ्चालन भएको हो । २०७२ सालको भूकम्पले बल्खुमा रहेको पार्टी कार्यालय बस्न नमिल्ने गरि क्षती गरेपछि कार्यालय सञ्चाल पासाङ ल्यामु प्रतिष्ठान रहेको धुम्बाराहीको भवनबाट हुँदै आएको थियो । आज बिहान पार्टीका अध्यक्ष एवं प्रधानमन्त्री केपी शर्मा ओलीले थापाथली कार्यालय पुगि कार्यालयको उद्घाटन गनुभयो । कार्यालयमा पार्टी पदाधिकारीहरुको छुट्टाछुट्टै बस्ने व्यवस्था, बैठक कक्ष, गाडीहरुको लागि प्रयाप्त पार्किङ्गको सुविधा रहेको छ । प्रधानमन्त्री ओलीले आज बिहान बल्खुमा पार्टी कार्यालयको भवन शिलान्यास पनि गर्नुभएको छ । बल्खुको पार्टी कार्यालय नबनुन्जेल यसै कार्यालयबाट पार्टीको काम कारबाही हुनेछ ।