नयाँ दिल्ली डेस्क, 8 मार्च
भारतमा तेस्रो पटक पनि लकडाउन बढाइए पछि मजदूरी गर्न आएका हजारौं नेपालीहरु भोक-भोकै रहन बाध्य भएका छन । उनिहरुलाई खाने-पिउने समस्या भएको छ । यसै समस्यालाई ध्यानमा राख्दै नेपाली नेपाली जनसम्पर्क समिति भारतले पनि नेपाली मजदूर वर्ग र तिनका परिवारलाई सहयोग गरि रहेको छ । यसै क्रममा नेपाली जनसम्पर्क समिति दक्षिण भारत क्षेत्रका माहासचिव बिमलराज बिष्टको पहल र वेलुन्दुर शाखा अध्यक्ष दिवस शाहीको नेतृत्वमा बेङलोर को दुध-कनाली क्षेत्रमा 15 घरका 45 जनालाई राहत सामग्री वितरण गरिएको छ । अर्को तर्फ केरलामा समस्या परेका 40 जना नेपालीहरुलाई नेजस शाखा अध्यक्ष दिपक विष्टको नेतृत्वमा हिजो खाद्यान्न वितरण गरिएको छ ।
त्यसैगरि नेपाली जनसम्पर्क समिति दक्षिण भारत क्षेत्र वेङलोरको इन्द्र नगरमा क्षेत्रिय सङगठन सचिव विमल सिजापतिको नेतृत्वमा लकडाउनको अवधि भरिमा समस्या परेका नेपालीहरुलाई बिहान बेलुकाको खाना र औषधी उपचारको व्यवस्था गरिएको छ ।
भारतमा रहेका विभिन्न नेपाली सामाजिक र राजनैतिक संगठनहरुले नेपालीहरुको भोको पेट भर्ने प्रयास गरेपनि हजारौं नेपालीहरुको अवस्था कष्टकर छ । नेपाली संगठनहरुले सिमीत स्रोत साधनले सहयोग हात अघि बढाए पनि अलपत्र नेपालीहरुको संख्या धेरै भएकाले अपुग देखिएको छ । उनिहरुलाई विशेष प्याकेजको व्यवस्था हुनुपर्ने भन्दै विभिन्न संगठन र सामाजिक अगुवाहरुले नेपाल सरकारसँग माग गरिरहेका छन ।
