नयाँ दिल्ली , १८ जनवरी २०२०
नेपाल–भारत जीटुजी सम्झौतामा निर्माण भएको रेलका लागि नेपाल सरकारले गत मे १०, २०१९ मा कोनकानसँग रेल निर्माणको सम्झौता गरेको थियो । कुल ८४ करोड ६५ लाखमा दुईवटा डेमो (डिजेल इलेक्ट्रिक युनिट) रेल निर्माण गर्ने गरी सम्झौता भएको थियो । ८० प्रतिशत लागत भने, दुईवटै रेल नेपाल भित्री सकेपछि मात्र भुक्तानी गर्ने गरी सम्झौता भएको रेल विभागका महानिर्देशक बलराम मिश्रले बताए । त्यसका लागि सरकारले २० प्रतिशत मुबिलाइजेसन भुक्तानी गरिसकेको छ ।
अबको केही दिनभित्र नेपालका लागि भनेर तयार गरिएको रेल नेपाल भित्रिँदैछ । अडर गरिएको दुईवटा रेलमध्ये एउटा रेल फ्रेब्रुअरीको पहिलो साताभित्र नेपाल भित्री सक्ने विभागले जनाएको छ । अर्को एउटा रेल भने, मार्चको अन्त्यसम्ममा नेपाल ल्याइने महानिर्देशक मिश्रले जानकारी दिए ।
महानिर्देशक मिश्रले भने, ‘रेल आउँदै छ तर आइसकेको होइन । रेल गुडाएरै नेपाल ल्याइने हुँदा प्राविधिक तथा स्थलगत व्यवस्थापनको जरुरी हुन्छ । अहिले त्यसको तयारी हुँदैछ ।’ सम्भवतः फेब्रुअरीको पहिलो सातासम्ममा रेल नेपाल आइसक्ने छ । महानिर्देशक मिश्रले भने ।