काठमाण्डौँ, 15 मई 2020
शुक्रबार नेपालमा थप 9 जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीका अनुसार शुक्रबार बिहान थप 9 जना कोरोना संक्रमित भेटिएका हुन्। योसँगै नेपालमा संक्रमितको कुल संख्या 258 पुगेको छ।
मन्त्रालयका अनुसार राष्ट्रिय जनस्वास्थ्य प्रयोगशाला, काठमाण्डौँ र भेरी अस्पताल, नेपालगंजमा गरिएको परिक्षण अनुसार 9 जनामा कोराेना पुष्टि भएको हो।
आज संक्रमित देखिनेमा मकवानपुर निवासी 37 वर्षीय पुरुष तथा बाँकेका निवासी 18, 20, 22, दुई जना 25, 27, 32 र 36 वर्षीय पुरुष रहेका छन्। उनिहरू सबैको स्वास्थ्य अवस्था सामान्य छ। उनिहरु स्वास्थ्यकर्मीको सम्पर्कमा पुगेको मन्त्रालयले जनाएको छ।
