बाजुरा/ 2 मार्च
नेपाली काँग्रेस बाजुरा जिल्ला समितिका आमन्त्रित सदस्य एवं नेपाली जनसम्पर्क समिती उतर भारत क्षेत्रका माहासचिव खगेन्द्र बहादुर सिंहको पहलमा श्री दुधिर निम्न माध्यमिक विद्यालयलाई 15 हजार रुपैयाँ बराबरको शैक्षिक सामग्री र खेलकुद सामग्री सहयोग हस्तान्तरण गर्नु भएको छ। विद्यालय व्यवस्थापन समितिका अध्यक्ष मीन बहादुर सिंहको अध्यक्षतामा भएको कार्यक्रममा वार्ड सदस्य प्रकाश सिंह प्रमुख अतिथीका रुपमा उपस्थित रहनु भएको थियो ।
त्यसैगरि नेपाली काँग्रेस बाजुराका महाधिवेशन प्रतिनिधि जनक सिंह, नेपाली काँग्रेस जिल्ला कार्यसमिति बाजुराका आमन्त्रित सदस्य खगेन्द्र सिंह विशिष्ट अथितीका रुपमा उपस्थित कार्यक्रममा सयौं अभिभावक र बिद्यालय परिवारको बाक्लो उपस्तिथि रहेको थियो । समारोहमा आमा बुवा गुमाएकी टुहुरी छात्रा शान्ती नेपालीलाई नगद सहयोग हस्तान्तरण गरिएको थियो ।
शान्ती नेपालीलाई नेपाली जनसम्पर्क पश्चिम भारत बम्बै क्षेत्रका अध्यक्ष एमबी बोहरा, नेपाली काँग्रेस तेहौं महाधिवेशन प्रतिनिधि रुद्र बहादुर मल्ल, नेपाली जनसम्पर्क समिति भारतका केन्द्रीय सदस्य अर्जुन धरेल, तरुण दल भारतका कोषाध्यक्ष अर्जुन बोगटी, चन्द्र हमजाली मगर, गोरख बिष्ट, बाजुरा दिल्ली सम्पर्क समितिका कार्यवाहक महासचिब मीन साँउद, लोकेन्द्र बुढाले सहयोग प्रदान गर्नु भएको थियो ।
