दिल्ली, 25 अक्तूबर 2021
सोमबार दिल्लीमा 67 औं नेसनल फिल्म अवार्डमा अभिनेत्री कंगना रनावतले ‘मनिकर्णिका’: द क्वीन अफ झाँसी र ‘पंगा’बाट उत्कृष्ट अभिनेत्रीको अवार्ड प्राप्त गरेकी छिन् ।’भोसले’बाट मनोज बाजपायी र धनुषले ‘असुरन’बाट उत्कृष्ट अभिनेताको अवार्ड पाए । उनले सामाजिक सञ्जालमार्फत अवार्ड लिने तस्बिर सेयर गरेकी छिन्। कंगनाले लेखेकी छिन्, ‘आज म मणिकर्णिका: द क्वीन अफ झाँसी र पंगाका लागि संयुक्त राष्ट्रिय पुरस्कार प्राप्त गर्न जाँदैछु। म मणिकर्णिका: द क्वीन अफ झाँसी पनि सह-निर्देशित छु। म यी चलचित्रका टिमलाई धन्यवाद दिन चाहन्छु । यसअघि कंगनाले आफ्नो उत्साह सेयर गर्दै सामाजिक सञ्जालमा लेखेकी थिइन्, ‘आज म भारतको सर्वोच्च सम्मान प्राप्त गर्न तयार छु। राष्ट्रिय पुरस्कार। यो मेरो चौथो राष्ट्रिय अवार्ड हो। ‘फेसन’ को लागि पहिलो राष्ट्रिय अवार्ड जिते। कंगनाले नेसनल अवार्ड चौथो पटक पाएकी हुन् ।
दिवंगत अभिनेता सुशान्तसिंह राजपुतको फिल्म ‘छिछोरे’ले उत्कृष्ट फिल्मको अवार्ड पायो । निर्देशक नितेश तिवारीले कार्यक्रममा सुशान्तको अभाव खड्किएको बताए । ‘यो अवार्ड सुशान्तलाई समर्पित गर्न चाहन्छु । सुशान्त हाम्रो फिल्मको प्रमुख व्यक्ति थियो ।,’ रेड कार्पेटमा हिँड्दै गर्दा भारतीय मिडियालाई नितेशले भनेका थिए । फिल्मलाई साजिद नाडियावले निर्माण गरेका थिए ।कार्यक्रममा अभिनेता रजनीकान्तलाई फिल्म क्षेत्रमा उनले पुर्याएको योगदानको कदर गर्दै ‘दादासाहेब फाल्के अवार्ड’बाट सम्मान गरियो । भारतको प्रतिष्ठित अवार्डमध्यको यो अवार्ड कार्यक्रम पनि महामारीकै कारण पछाडि सरेको थियो ।
