काठमाडौँ,४ फेब्रुअरी
केहि समय देखि बन्द रहेको सवारी चालक अनुमतिपत्रका लागि अनलाइन फारम पुनः सुचारु गरिने भएको छ । सवारी चालक अनुमतिपत्रका लागि अनलाइन फारम बुधबार देखि सुचारु गरिने भएको हो ।
अनुमति पत्रसम्बन्धी अनलाइन प्रणाली परिमार्जनको काम लगभग सकिने अवस्थामा पुगेको हुँदा बुधबार देखि अनलाइन फारम पुनस् संचालनमा ल्याइन लागिएको हो।
अनुमति पत्रसम्बन्धी अनलाइन प्रणाली परिमार्जन गर्नका लागि यातायात व्यवस्था विभागले केहि दिन अगाडी सवारी चालक अनुमतिपत्रका लागि अनलाइन फारम बन्द गरेको थियो।
विभागले गत वर्षदेखि नै देशभरका सेवाग्राहीले अनलाइन भरेका आवेदनबाट फारम बुझेर अनुमतिपत्रका लागि लिखित र प्रयोगात्मक परीक्षा लिने गरेको छ ।