सिक्किम, 25 जनवरी 2020/ के.एन. शर्मा
आज विकास र विज्ञानको कारणले कैयौं मुलुकहरु अगाडि छन्। जुन देशमा कृषि उब्जनी विशाल मात्रामा हुन्छ, त्यो देश धनी कहलाईन्छ। देशको विकास चाहने हो भने, धेरैभन्दा धेरै उब्जनी गरेर विदेशमा निर्यात गर्नु अत्यावश्यक छ। देशको कृषि उब्जनीलाई विश्व बजारमा बजारीकरण गर्न सकेको खण्डमा देशको अर्थतन्त्र बलियो बन्न सक्छ। यो सन्दर्भलाई कृषकहरुले गहिरो रूपमा अध्यन अनि चिन्तन गर्नु आवश्यक छ र विकास तथा सहुलियतको परिभाषा जनताले बुझ्नु पर्दछ।
गेजिङ बर्मेक निर्वाचन क्षेत्रका विधायक तथा सिक्किम सरकारका कृषि मन्त्री लोकनाथ नेपालले पारदर्शी तरिकाले सिक्किमको विकास गर्ने प्रतिबद्धता व्यक्त गर्नुभएको छ। गेजिङ बर्मेक निर्वाचन क्षेत्रको यसै चिन्थाङ गाउँका जनतालाई सम्बोधन गर्दै मन्त्री नेपालले यसै चिन्थाङ गाउँमा स्थापित मोडल भिलेजलाई थप सुन्दर बनाउने त्यहाँका जनताको कर्तव्य रहेको बताउनुभयो। उहाँले ग्रीन इकोनोमीको योजनामा काम गर्ने मनस्थिती बनाउन कृषकहरुलाई आह्वान गर्नुभयो। अहिले कृषि व्यावसायबाट सम्पन्न बन्ने युग आएको उहाँको तर्क थियो कुनैपनि काम गर्दा पार्टी विशेष र जाति विशेषभन्दा विपन्न वर्गका जनताको हित निम्ति काम गर्न उहाँले सुझाव दिनुभयो।
कार्यक्रममा मार्तम खण्ड विकास अधिकारी जिल्ला ग्राम पञ्चायत साथै सिक्किम क्रान्तिकारी माेर्चा पार्टीका समष्टी स्तरीय सभापति ए.बी. सुब्बालगायत स्थानीय नागरिकहरूकाे उपस्थिती रहेको थियो।
