नयाँ दिल्ली, 6 नोभेम्बर
प्यूठानका एक 67 वर्षीय वृद्ध सम्पर्कविहीन भएपछि उनको परिवार खोजीमा जुटेको छ । प्युठान जिल्लाको कपिलवस्तु नगरपालिका वडा नम्बर 10, नगवा गाउँ हाल प्युठानको नौवैहिनि गाउँ पालिका वाड नम्बर 8 का स्थायी वासिन्दा भागिरथ भण्डारी पछिल्लो एकवर्षदेखि घरबाट सम्पर्कविहीन भएका छन । घरमा केही नभनि गएका भागिरथ भण्डारी एकवर्षसम्म पनि सम्पर्कमा नआएपछि उनको खोजीको काम तीव्र पारिएको छ । भागिरथ भण्डारीको घरमा श्रीमति र 2 छोरा र एक छोरी छन । 2 छोरा मध्ये जेठो छोरा खुमिराम भण्डारी रोजगारीको सिलसिलामा सउदी अरबमा छन भने अर्को छोरा चेन्नईमा छन ।
छोरा खुमिराम भण्डारीका अनुसार बुवा पहिला पनि केही नभनि हिडने गरेकाले लामो समयसम्म खोजीको प्रयास गरिएन । तर एक वर्षसम्म पनि बुवाको बारेमा केही थाहा नभएपछि अहिले खोजीको प्रयास गरिएको हो । खुमिरामले बुवा भागिरथ भण्डारी भारतको उत्तर प्रदेश, हिमाचल प्रदेश वा कुनै धार्मिक स्थलमा भएको हुन सक्ने आशंका व्यक्त गरेका छन ।
बुवा पहिले पनि केही नभनि आउने जाने गरेको भएपनि अहिले कोभिड-19 महामारी चलेको र लामो समयसम्म सम्पर्कमा नरहेकाले बुवाका लागि निकै चिन्तित रहेको खुमिरामले बताएका छन ।
तस्वीरमा देखिएका भागिरथ भण्डारीलाई कतै देख्नु भएको छ भने नेशनल लाईभमा अथवा नेपालमा रहेकी भागिरथकी श्रीमति भक्ति देवी भण्डारीलाई 9843723346 सम्पर्क गरिदिन आग्रह छोरा खुमिरामले गरेका छन ।
