काठमाडौं, 16 नवम्बर 2021
प्रतिपक्षी दलको उपस्थिति नभएपनि प्रदेश १ को मुख्यमन्त्री राजेन्द्र राईले विश्वासको मत लिने प्रयास असफल भएको छ । मंगलबार बसेको प्रदेश १ को प्रदेशसभा बैठकमा प्रतिपक्षी दल नेकपा एमालेका सांसदहरु अनुपस्थित भएका थिए । बैठकमा सभामुख प्रदीपकुमार भण्डारीले संसदमा प्रतिपक्षी दलको उपस्थिति नभएका कारण बैठक स्थगित गरेको जानकारी दिनुभयो । संसद नियमावलीमा कोही पनि प्रतिपक्षी दलका सांसद संसदमा उपस्थित नभए बैठक चल्न नसक्ने उल्लेख छ । सोही अनुसार बैठक बुधबारसम्मका लागि स्थगीत गरिएको सभामुख भण्डारीले बताउनुभयो । सभामुख भण्डारीले बुधबार बस्ने बैठकमा विपक्षी दलको तर्फबाट सांसदहरुलाई उपस्थित हुन आग्रह पनि गर्नुभयो । यसअघि एमालेले मंगलबारको प्रदेश १ को बैठक स्थगित गर्न माग गरेको थियो । अधिवेशनका लागि जिल्ला गएका प्रदेशसभा सदस्यहरू आइनपुगेको भन्दै एमालेले बैठक स्थगित गर्न माग गरेको हो ।
