प्रधानमन्त्री नरेन्द्र मोदीले देशमा लागु गरिएको कानून (नागरिकता संशोधन कानून) प्रति आफ्नो समर्थन प्रकट गर्न आह्वान गर्नुभएको छ । सोमबार एक एक ट्वीट गर्दै प्रधानमन्त्री मोदीले #IndiaSupportsCAA इस्तेमाल प्रयोग गर्दै आफ्नो समर्थन व्यक्त गर्न आग्रह गर्नुभएको हो । उहाँले यो छिमेकी देशमा प्रताडि़त शरणार्थीहरुलाई नागरिकता दिने कानून भएकोमा जोड दिदै कसैको नागरिकता खोस्ने कानून नभएको बताउनु भयो ।
पाकिस्तान, अफ्गानिस्तान र बंगलादेशमा धार्मिक रुपमा प्रताडित अल्पसंख्यकहरुलाई भारतमा नागरिकता प्रदान गर्ने कानून नागरिकता संशोधन कानून लागु गरिएपछि केही वर्गहरुले त्यसको विरोध गरिरहेका छन ।
प्रधानमन्त्रीले एक अर्को ट्वीटमा यस कानूनका विभिन्न पक्षहरु स्पष्ट गरिएको सदगुरूको एक वीडियो लिङ्क पनि साझा गर्नुभएको छ । यो वीडियोमा हाम्रो ऐतिहासिक सन्दर्भ र भाईचाराको संस्कृतिलाई दर्शाईएको पनि मोदीले बताउनुभएको छ ।
मोदी सरकारले नागरिकता संशोधन कानून लागु गरेदेखि देशव्यापी रुपमा यसको विरोध चर्किएको थियो । केही समूहले यस कानूनको विरोध गरेपनि केही समूहले यसको समर्थनमा र्याली प्रदर्शन गरेका थिए । त्यस लगत्तै सरकार आफैले यस कानूनको दुष्प्रचार भएको भन्दै भ्रम चिर्ने प्रयास गरिरहेको छ ।
