नयाँ दिल्ली, 17 फरवरी 2020
प्रधानमन्त्री नरेन्द्र मोदीले गुजरातको गान्धीनगरमा संयुक्त राष्ट्र जलवायु परिवर्तन सन्धिमा शामेल देशहरूको सम्मेलन सी.ओ.पी.-13 को आज भिडियो कान्फ्रेन्सिङ्गको माध्यमबाट उद्घाटन गर्नुभएको छ। यस अवसरमा प्रधानमन्त्री मोदीले फिरन्ते प्रजातिहरूको संरक्षणमा भारतको प्रतिबद्धता दोहोऱ्याउनुभयो। उहाँले जलवायु संरक्षण, स्थायी जीवनशैली तथा हरित विकास नमुनाको आधारमा भारतले जलवायु अभियानको नेतृत्व गरिरहेको बताउनुभयो।
उहाँले वन्य जीवन तथा पर्यावाणको संरक्षण भारतको संस्कृतिमा शामेल रहेको र भारतले सह-अस्तित्वलाई बढाउनमा विश्वास राख्ने तर्क गर्नुभयो। प्रधानमन्त्रीले आफ्नो सरकारद्वारा वन्य जीवनको संरक्षणको लागि देश भरीमा गरिराखिएका कार्यहरूको पनि उल्लेख गर्नुभयो।
सी.ओ.पी.-13 को विषय ‘प्रवासी प्रजातिहरूले उपग्रहलाई जोड्दछन् र हामी उनिहरूलाई घरमा स्वागत गर्दछौँ’ रहेको छ।
केन्द्रीय पर्यावरण वन तथा जलवायु परिवर्तन मन्त्री प्रकाश जावडेकर, पर्यावरण राज्यमन्त्री बाबुल सुप्रियोका अतिरिक्त गुजरातका मुख्यमन्त्री विजय रूपाणी पनि यस अवसरमा उपस्थित रहनुभएको थियो। सी.ओ.पी.-13 माथि एक डाक टिकट पनि जारी गरिएको छ।
