काठमाडौं,२९ जनवरी
राष्ट्रिय वाणिज्य बैंकको ५५ औं वाषिर्कोत्सवलाई सम्वोधन गर्दै अर्थमन्त्री डा. युवराज खतिवडाले ‘फिक्स्ड ब्याजदर’ को विषय उठान गरे । उनले दीर्घकालीन कर्जा लिनेहरुका लागि स्थिर ब्याजदर कायम गर्न निर्देशन नै दिएका थिए ।
बैंकहरुले बुधबारदेखि नै ‘फिक्स्ड ब्याजदर’ नीति कार्यान्वयनमा ल्याएका छन् । बुधबार ३ वाणिज्य बैंकहरुले नयाँ ब्याजदर सार्वजनिक गरेका छन् । ब्याजदर सार्वजनिक गरेका लक्ष्मी बैंक, प्रभु बैंक र नेपाल इन्भेष्टमेन्ट बैंकमध्ये इन्भेष्टमेन्ट बैंकले फिक्स्ड ब्याजदर तोकेको छ ।
बैंकले १ वर्षको लागि निश्चित कर्जाहरुका लागि स्थिर ब्याजदर तोकेको हो । बैंकले कृषि क्षेत्रको कर्जाका लागि १०.५० प्रतिशत ब्याज तोकेको छ भने अर्थ कर्जा भनेर बैंकले १०.५० प्रतिशत ब्याजदर तोकेको छ । बैंकले एसएमई नामको कर्जामा भने ९.९९ प्रतिशतमात्रै ब्याज लिने बताएको छ ।
गत साल कर्जाको ब्याजदर धेरै बढाएको भन्दै उद्योगी व्यवसायीहरु सडकमै उत्रिएका थिए । त्यसपछि प्रधानमन्त्रीसम्म कुरो पुगेर अहिले यो समस्या समाधान जस्तै बनेको छ । तर दीर्घकालीन समस्या समाधान भने नभएको भन्दै अर्थमन्त्रीले फिक्स ब्याजदरको कुरा उठाएका थिए ।
यस विषयमा वाणिज्य बैंकका प्रमुख कार्यकारी अधिकृत (सीईओ)हरुको छाता संस्था नेपाल बैंकर्स संघले भने आधिकारिक निर्णय गरिसकेको छैन ।
संघका कार्यकारी प्रमुख अनिल शर्माले केहि अनौपचारिक छलफल भए पनि के(कसरी अघि बढ्ने भन्ने निर्णय नभइसकेको उनले बताए । उनले यस विषयमा संघमा छलफल हुने तयारी भइरहेको उनले बताए ।
