मुम्बई,७ फरवरी, २०२०
बलिउड अभिनेता रजनीकान्तको पछिल्लो समयमा रिलिज भएको सिनेमा वक्सअफिसमा फ्लप भएको खुलासा भएको छ ।
सिनेमा फ्लप भएर घाटामा गएपछि एआर मुर्गादोषको निर्देशनमा बनेको फिल्मका वितरकहरूले क्षतिपूर्तिका लागि ७० वर्षीय रजनीकान्त ढोका ढक्ढकाउने भएका छन् ।
उनीहरूले रजनीकान्तलाई उनकै निवासमा भेट्ने बताइएको छ । उनीहरूले रजनीकान्तले समस्या बुझेर आफूहरूलाई क्षतिपूर्ति दिने आशा राखेका छन् ।
यसअघि रजनीकान्तले ‘लिङ्गा’ नामक फिल्म फ्लप भएपछि वितरकहरूलाई रकम फिर्ता दिएका थिए । वितरकहरूले फिल्म निर्माण कम्पनी लाइका प्रोडक्सनले कुनै चासो नदिएपछि रजनीकान्तलाई भेट्ने निर्णय गरेका हुन् ।
