काठमाडौं, 30 अक्तूबर 2021
कार्यवाहक प्रधानमन्त्री तथा गृहमन्त्री बालकृष्ण खाँणले बिप्लव नेतृत्वको नेकपा र केपी ओली नेतृत्वको सरकारबीच भएको सहमति कार्यान्वयनका लागि पहल भइरहेको बताउनुभएको छ । शनिबार गृहमन्त्रालयमा सञ्चारकर्मीसंगको छलफलका क्रममा गृहमन्त्री खाँणले सहमति कार्यान्वयनका लागि नेकपासंग पटक पटक छलफल भएको जानकारी पनि दिनुभयो । नेकपाको मागका बिषयमा कानुनी बाटोबाट नै समाधान खोज्ने प्रयास भइरहेको उहाको भनाई छ । उहाले कानुनी प्रक्रियाबाट नै बन्दीहरू पनि मुक्त गर्नका लागि गृहकार्य भइरहेको बताउनुभयो । त्यस्तै उहाले प्रहरीको सरुवा तथा बढुवामा गृहमन्त्री र प्रधानमन्त्रीबिच असमझदारी देखिएको भन्ने विषयमाथि खण्डन गर्दै प्रधानमन्त्रीसंग कुनै पनि असमझदारी नभएको धारणा राख्नुभयो ।
