बेङ्गलोर, 17 सेप्टेम्बर, मिनेश रावल
कर्नाटक राज्यको बेङ्गलोरमा फेरि एक नेपालीले आत्महत्या गरेको खबर प्रकाशमा आएको छ । बेङ्गलोरको इलेक्ट्रोनिक सिटीमा बस्दै आएकी एक युवतीले हिजो (बुधवार) राति आत्महत्या गरेकी हुन । डडेल्धुरा जिल्लाको जोगबुडा स्थायी घर भएका खडक महताकी 24 वर्षीया पत्नी शान्ता महताले आत्महत्या गरेकी हुन । उनले घरको बाथरुममा पासो लाएर आत्महत्या गरेको उनिहरुकै चिनजानका एक व्यक्तिले बताएका छन । जानकारीका अनुसार मृतक युवतीका पति खडक महता सोही स्थानमा चौकीदारी गर्ने गर्छन भने उनि आफैपनि घरायसी काम गर्ने गर्दथिन । उनको 3 वर्षको एक छोरा पनि रहेको छ । उनले किन आत्महत्या गरेको भन्ने कुरा अहिले स्पष्ट हुन सकेको छैन । पुलिसले घटनाको अनुसन्धान गरिरहेको जनाइएको छ । साथै पुलिस थानामा युवतिको माइति पक्ष पनि पुगेको जानकारी पाइएको छ ।
दक्षिण भारतमा पछिल्लो समय विभिन्न कारणले आत्महत्याका घटना बढिरहेको छ । बेङ्गलोरमा गत 9 सेप्टेम्बरमा सुर्खेत पञ्चपुरी नगरपालिका वार्ड नम्बर 8 का बिमल मगरले आत्महत्या गरेका थिए। उनि बेङ्गलोरको पणतुरमा बस्दै आएका थिए । त्यसैगरि चेन्नईमा पछिल्लो 6 महिनामा 9 जना नेपालीले आत्महत्या गरेको जानकारी पाइएको छ ।
