बैतडी,२ फेब्रुअरी
बैतडीमा रहेको दशरथचन्द नगरपालिका – १० का नेकपाका वडा कमिटी अध्यक्षमाथि कुटपिट भएको छ । वडा नं १० को कार्यालयमै अध्यक्ष प्रकाश लावडमाथि कुटपिट भएको हो ।
लावडको बायाँ हातको कुहिनो माथिको जोर्नी खुस्किएको र दायाँ हातको बुढी औला भाँचिएको जिल्ला अस्पतालका मेडिकल सुपरिटेन्डेन्ट डाक्टर वसन्तराज जोशीले बताएका छन् ।
लावडको दुवै हातमा चोट लागेको छ । उनको जिल्ला अस्पताल बैतडीमा उपचार गराएका छन् ।
कुटपिटमा संलग्न स्थानीय त्रिलोक विष्टलाई प्रहरीले शुक्रबार साँझ नै नियन्त्रणमा लिएको छ ।
घटना कसरी र किन भयो भन्ने बारे प्रहरीले अनुसन्धान गरिरहेको जिल्ला प्रहरी कार्यालय बैतडीका प्रवक्ता प्रहरी निरीक्षक किसन चन्दले जानकारी दिए ।
