मणिपुर, २९ फरवरी, २०२०
भारतको मणिपुर सेनापति जिल्ला, चार हजारे स्थित निःशुल्क स्वास्थ्य जाँच सेवा उपचार शिविर सम्पन्न भएको छ ।
चार हजारेमा सामाजिक सङ्गठनद्वय सेवा भारती मणिपुर र नवीन गोर्खा युथ क्लबको संयुक्त तत्वावधानमा आज निःशुल्क स्वास्थ्य जाँच उपचार शिविरको कार्यक्रम सम्पन्न गरीएको छ ।
स्थापनाकालदेखि नै सक्रिय गोर्खालीहरूको दुइ एसोसिएसनले विभिन्न सामाजिक कार्यहरू गर्दै आइरहेका छन् । बिहान ८ बजेदेखि १२ बजेसम्म सञ्चालन भएको थियो । उक्त शिविरमा विभिन्न रोग निवारण विशेषज्ञ डाक्टरहरुले ३ सय ४२ जना रोगीहरूलाई जाँच गरी औषधीहरू वितरण गरेका छन् । सेवा भारती मणिपुरका अध्यक्ष भवानी सुवेदीले यो शिविरलाई सफल पार्नका लागि सहयोग पुराउने सबै ड्क्टर नर्सहरू अन्य कार्यकर्ताहरू लगायत स्वयंसेवीहरूलाई धन्यवाद ज्ञापन गर्दै उक्त कार्यक्रम समापन गरीएको थियो ।
