दिल्ली, 13 सितम्बर 2021
भारतको राजधानी, नयाँ दिल्लीको सब्जी मण्डी क्षेत्रमा, तीन तले भवन भत्किएको छ। दिल्लीको मल्कागंज स्थित, सब्जी मण्डी क्षेत्र नजिकै रोबिन सिनेमाको सामुने तीन तले भवन भत्किएको हो। घट्नामा कयौं मानिसहरु फसेको हुन सक्ने, आशंका गरिएको छ। घटना लगत्तै राहत र उद्धार टोलीले घट्नास्थल पुगेर उद्धार कार्य जारी गरेको छ। उद्धारका लागि दमकल विभागका पाँच गाडी घटनास्थल पुगेको छन। प्रत्यक्ष-दर्शीका अनुसार, धेरै मानिसहरु फसेको आशंका गरिएको छ। सवारी साधनहरु पनि भत्किएको भवनको भग्नावशेषमा दबिएका छन्। भवन भत्किएपछि उक्त क्षेत्रमा भागदौडको माहोल भएको छ। दिल्लीका मुख्यमन्त्री अरविन्द केजरीवालले घट्नाप्रति दुख ब्यक्त गर्नुभएको छ।
