नयाँ दिल्ली, 1 अक्टूबर 2020
भारतमा अर्थव्यवस्थालाई थप सहज बनाउन आजदेखि अनलक 5 लागु भएको छ । केन्द्रीय गृह मन्त्रालयले कन्टेनमेन्ट जोन बाहेकका क्षेत्रमा थप खुकुलो पार्दै बुधवार नयाँ दिशा-निर्देश जारी गरेको थियो। यस अनलक 5 मा कोरोना महामारीका कारण गत 25 मार्चपछि लगाइएको लकडाउनमा प्रतिवन्धित अधिकांश गतिविधिहरु खोलिएको छ । अनलक 5 मा आगामी 15 अक्टूबरबाट सिनेमाघर र मल्टीप्लेक्सहरुलाई 50 प्रतिशत क्षमतामा खोल्न छूट दिइएको छ ।
राज्य र केन्द्र शासित प्रदेशका सरकारहरुलाई 15 अक्टूबरदेखि चरणबद्ध रुपमा विद्यालय र कोचिङ संस्थानहरुलाई खोल्ने निर्णय लिन छूट दिइएको छ। अनलक-5 मा केन्द्रको अनुमति बिना अन्तरराष्ट्रीय यात्रामा प्रतिवन्ध कायम राखिएको छ।
व्यवसायदेखि व्यवसाय प्रदर्शनीहरुलाई अनुमति दिइएको छ। त्यसैगरि खेलाड़ीहरुका लागि प्रयोग भएका स्विमिङ पूल खोल्ने अनुमति दिइएको छ। त्यसैगरि मनोरञ्जन पार्क र अन्य यसै प्रकारका स्थानहरुलाई पनि 15 अक्टूबरदेखि खोल्ने अनुमति दिइएको छ।
यस अनलक 5 मा राज्य र केन्द्र शासित प्रदेशका सरकारले कन्टेनमेन्ट जोन बाहिर 15 अक्टूबरपछि 100 व्यक्तिसम्मको उपस्थितिमा सामाजिक, धार्मिक र राजनीतिक सभा गर्न अनुमति दिन सक्ने छूट दिइएको छ। तर मास्कको प्रयोग भएकै हुनुपर्नेछ।
अनलक-5 को दिशानिर्देशमा कन्टेनमेन्ट जोनमा 31 अक्टूबरसम्म लकडाउन कडाईका साथ लागु हुनेछ।
कोरोना महामारीका कारण भारतमा 25 मार्चदेखि देशव्यापी लकडाउन गरिएको थियो । त्यसपछि सरकारले लकडाउनलाई चरणबद्ध रुपले खुकुलो पार्दै 1 जुनदेखि अनलक प्रक्रिया शुरु गरिएको थियो।
