नयाँ दिल्ली, 19 मार्च 2020
भारतमा कोरोना भाइरस (कोभिड–19) संक्रमितहरूको संख्या 171 पुगेको छ। बिहिबार बिहान चन्डीगढकी 23 वर्षीया महिलाको रिपोर्ट पोजेटिभ पाइएपछि संक्रमितहरूको संख्या बढेर 171 पुगेको हो। भारतमा बुधबार एकै दिन 28 जना संक्रमितहरू भेटिएका थिए। अहिलेसम्म 3 जनाको ज्यान गएको छ। नयाँ दिल्लीस्थित सफदरगंज अस्पतालमा एक संदिग्ध बिरामीले आत्महत्या गरेका छन्। अष्ट्रेलियाको सिड्नीबाट आएका उक्त व्यक्तिले आत्महत्या गरेका हुन्। टाउको दुखेका कारण उक्त व्यक्तिलाई एयरपोर्ट अधिकारीले अस्पताल पुऱ्याएका थिए।
भारत सरकारले आगामी मार्च 31 सम्म सबै शिक्षण संस्था बन्द गर्ने निर्णय गरेको छ। उक्त दिनसम्म परीक्षाहरूसमेत नगर्न सरकारले निर्देशन दिएको छ।
यसैबीच प्रधानमन्त्री नरेन्द्र मोदीले कोविड-19 सँग सम्बन्धित विषयहरू र यस महामारीविरूद्ध लड्ने विषयमा जानकारी दिँदै राष्ट्रलाई आज राति 8 बजे सम्बोधन गर्नुहुनेछ।
