गोवा, 9 मार्च 2021
भारतमा रहेका विभिन्न नेपाली राजनीतिक दलका जनवर्गीय संगठनहरुले सोमबार विविध कार्यक्रम गरि 111 औं अन्तर्राष्ट्रिय महिला श्रमिक दिवस मनाएका छन । सोही अवसरमा जनता समाजवादी पार्टी नेपालको जनवर्गीय संगठन प्रगतिशील नेपाली समाज भारत, महाराष्ट्र राज्य समितिको आयोजनामा पनि १११ औं अन्तर्राष्ट्रिय महिला श्रमिक दिवस मनाइएको छ । धनसरी ददेलको अध्यक्षतामा भएको कार्यक्रम, प्रमुख अतिथि संगठनका केन्द्रीय अध्यक्ष प्रकाश नेपालीले देशमा संघीय लोकतान्त्रिक गणतन्त्र स्थापनाका लागि प्रवासी नेपाली महिलाहरुको उल्लेखनीय भुमिका रहेको भन्दै यदि हिजोका दिनमा प्रवासी महिला गणतन्त्र प्राप्तिको आन्दोलनमा समावेश हुदैनथे भने अहिलेको परिवर्तन असम्भव रहेको बताउनु भयो । उहाँले आगामी दिनमा देश समृद्धि र विकासको लागि राज्यले प्रवासी नेपाली महिलाहरुलाई विशेष स्थान दिनुपर्ने भन्दै महिलाहरुलाई राज्यका हरेक अंगमा 50 प्रतिशत प्रतिनिधित्व गराउनुपर्ने धारणा राख्नुभयो ।
त्यसैगरि समारोहमा विशेष अतिथि संगठनकी केन्द्रीय महिला संयोजक दुर्गा ददेल, उपाध्यक्ष रामसिङ ददेल, तुलसी बिक, उपमहासचिव तिलक बिक, कोषाध्यक्ष मोहन विश्वकर्मा, हरि ददेल लगायतले आफ्नो मन्तव्य राखेका थिए । कार्यक्रममा प्रवासी नेपाली महिलाहरुले साँस्कृतिक कार्यक्रम मार्फत दुःख सुख साटासाट गरेका थिए ।
