नेपालगन्ज, ५ मार्च, २०२०
भारतसँग सीमा जोडिएका ४३ स्थानमा सरकारले कोरोना भाइरसबाट सङ्क्रमित व्यक्तिलाई नेपाल भित्रिन नदिन ‘क्वारेन्टाइन’ व्यवस्था गरेको जनाएको छ ।
मन्त्रिपरिषद्को निर्णय सार्वजनिक गर्दै सरकारका प्रवक्तासमेत रहेका अर्थ तथा सञ्चारमन्त्री युवराज खतिवडाले कोरोना भाइरसबाट नेपालमा कोही पनि सङ्क्रमित नभएको जनाउँदै त्यस्तो जानकारी दिएका हुन् ।
‘विदेशी पर्यटक आउने मुख्य ६ नाका तथा नेपाल-भारत बीचका ३६ वटा स्थलमार्गका तालिम प्राप्त स्वास्थ्यकर्मी राखिएको छ । त्रिभुवन अन्तर्रा्ष्ट्रिय विमानस्थलमा चेकजाँचको काम जारी रहेको छ ।
भारतले प्रतिबन्ध लगाएका १३ वटा औषधि फुकुवा गर्न सरकारले पहल गरेको जनाउँदै प्रवक्ता खतिवडाले कोरोनाका कारण पर्यटन प्रवर्द्धनका काम स्थगन गरिएको जानकारी दिए ।
भारतले प्रतिबन्ध लगाएका औषधिहरु भने स्टक रहेकाले आत्तिहाल्नु नपर्ने स्वास्थ्य मन्त्रालयले जनाएको छ। अर्थमन्त्री खतिवडाका अनुसार मास्क आपूर्ति बढाउने तथा उत्पादन गर्नका लागि निजी क्षेत्रसँग सहकार्य गर्ने कार्यमा सरकार लागिरहेको छ ।
