काठमाण्डौँ, 29 जनवरी 2020
नेपालका लागि भारतीय कार्यबाहक राजदूत डा. अजय कुमारले नवनिर्वाचित सभामुख अग्निप्रसाद सापकोटासँग शिष्टाचार भेट गर्नुभएको छ। कार्यबाहक राजदूत अजय कुमारले बुधबार सभामुखको कार्यकक्षमै पुगेर शिष्टाचार भेटघाट गर्नुभएको हो। आइतबार सभामुखमा निर्विरोध निर्वाचित हुनुभएका सभामुख सापकोटालाई कार्यबाहक राजदूत अजय कुमारले बधाई तथा सफल कार्यकालको शुभकामना दिनुभएको छ।
भेटमा उहाँले सभामुख सापकोटालाई नेपाल-भारत सम्बन्ध विभिन्न आयामहरु संग्रहित पुस्तक पनि उपहार दिनुभएको थियो। नेपालका लागि भारतीय राजदूत मञ्जिपसिंह पुरीले उमेर हदका कारण अवकाश पाएपछि नयाँ राजदूत नियुक्त भएका छैन्। यद्यपी भारत सरकारले नेपालका लागि नयाँ राजदूतमा विनय-मोहन क्वात्राको नाम सिफरिस गरेको छ। यसअघि नेपालका लागि चिनियाँ राजदूत होउ यान्छीले सभामुख सापकोटासँग भेट गरी सफल कार्यकालको शुभकामना दिनुभएको थियो।
