27 अक्तूबर 2021
भारतीय मूलकी क्यानडाली राजनीतिज्ञ अनिता आनन्द क्यानडाको नयाँ रक्षामन्त्री बनेकी छिन् । पूर्व रक्षामन्त्री हरजित सिंह सज्जनलाई मंगलबार जस्टिन ट्रुडोको मन्त्रिपरिषद्बाट हटाएर यो जिम्मेवारी दिइएको छ । क्यानडामा भर्खरै भएको निर्वाचनपछि लिबरल पार्टीले फेरि सरकार बनाएको छ । अनिता र ट्रुडो दुवै यस पार्टीका सदस्य हुन्। रक्षामन्त्रीको जिम्मेवारी सम्हालेपछि अनिताले सञ्चारमाध्यमलाई भनिन्, ‘आफ्नो पहिलो जिम्मेवारी क्यानाडाली सेनालाई सुरक्षित महसुस गराउनु हो । कोरोना महामारीको समयमा, क्यानडाका लागि खोप किन्ने र आपूर्ति सुनिश्चित गर्ने जिम्मेवारी अनिताको थियो।
