नयाँ दिल्ली, 29 जनवरी 2020
अण्डर-19 विश्वकप क्रीकेटको क्वाटरफाईनलमा भारतले अस्ट्रेलियालाई पराजित गरेको छ। यशस्वी जायसवालको 62 र अथर्व अनकोलेकरको 55 रनको शानदार अर्धशतकीय पारीको मद्धतमा भारतले दक्षिण अफ्रीकामा चलिरहेको अण्डर-19 विश्वकप क्रीकेट म्याचअन्तर्गत पहिलो क्वार्टर फाइनलमा अस्ट्रेलियालाई 74 रनले पराजित गरेको हो।
टस हारेर पहिला ब्याटिङ गर्ने निम्तो पाएको भारतले निर्धारित 50 ओभरमा 9 विकेर गुमाएर 233 रन बनाएको थियो। 234 रनको विजय लक्ष्य पछ्याएको अस्ट्रेलियाले मात्र 159 रन बनाउन सक्यो। योसंगै भारतले सेमीफाईनलमा स्थान सुरक्षित गरेको छ भने, अस्ट्रेलिया प्रतियोगिताबाट बाहिरिएको छ।
म्याचमा शानदार बलिङको लागि कार्तिक त्यागी म्यान अफ द म्याच घोषित भए। कार्तिकले 8 ओवरमा 24 रन खर्चेर 4 विकेट लिए।
