भुटानी शरणार्थी प्रकरणको सुनुवाइ मंसिर ५ मा हुने
काठमाडौं,9 नोभेम्बर 2023
नक्कली भुटानी शरणार्थी प्रकरणमा थुनामा रहेकाहरुको मुद्दाको सुनुवाई मंसिर ५ गते हुने भएको छ।
नक्कली भुटानी शरणार्थी प्रकरणमा पक्राउ परेका १८ जना आरोपितमध्ये नेकपा एमालेका सचिव एवं पूर्व उप-प्रधानमन्त्री टोपबहादुर रायमाझी, कांग्रेस नेता एवं पूर्वगृहमन्त्री बालकृष्ण खाणसहित पुर्पक्षका लागि थुनामा रहेका छन्।
न्यायाधीशहरु मुरारीबाबु श्रेष्ठ र कृष्णराम कोइरालाको संयुक्त इजलासले मुद्दामा धेरै कानुन व्यवसायी रहेकाले मंसिर ५ का लागि पेशी तोक्ने आदेश गरेको हो प्रवक्ता तिर्थराज भट्टराईले जानकारी दिए।
काठमाडौं जिल्ला अदालतले थुनामा पठाएपछि त्यसविरुद्ध थुनामा रहेकाहरुले उच्च अदालत पाटनमा निवेदन दिएका थिए। नक्कली भुटानी शरणार्थी प्रकरणमा ठगी गरी लिखत कीर्ते गरेका पूर्व गृहमन्त्री खाँडसहित २२ जनाको मुद्दा एकमुष्ठ हेरिएको उच्च अदालत पाटनले जनाएको छ।