काठमाडौं, 12 मई 2022
काठमाडौं महानगरपालिकाको मतगणना हुने स्थान राष्ट्रिय सभागृहमा सिसिटिभी जडान गरिएको छ । मतगणनास्थानमा सिसिटिभी जडान गर्ने निर्वाचन आयोगको योजना अनुसार नै सभागृहमा सिसिटिभी जडान गरिएको हो । त्यस्तै मतगणनाको सुरक्षा व्यवस्थापनका लागि तार जाली राखिएको छ । राष्ट्रिय सभाभित्र एक साथै पाँच भन्दा धेरै ठाँउमा मतगणना हुनेछ । मतपेटिका राख्ने ठाउँदेखि गणना हुने ठाउँ सिसिटिभीको पूर्ण निगरानीमा रहने काठमाडौंका प्रमुख जिल्ला अधिकारी गोबिन्द प्रसाद रिजालले जानकारी दिनुभयो । उहाले मतगणनाको उचित सुरक्षाको सवै व्यवस्था काठमाडौं जिल्लाभरि गरिएको बताउनुभयो । मतगणनालाई निष्पक्ष बनाउन देशका विभिन्न स्थानमा सिसिटिभी जडान गरिएको हो ।
