काठमाडौं, 6 सितंबर 2022
नेपाली कांग्रेसका महामन्त्रीसमेत रहेका सांसद गगन थापाले उम्मेदवारी मनोनयन दर्तासँगै सांसद पद जाने बताएका छन्। संसदको कार्यकालबारे निर्धारणबारे सरकारले ल्याएको विधेयकमा आफूले राखेको संशोधनलाई सदनमा प्रस्तुत गर्दै थापाले मनोनयनको अघिल्लो दिनसम्म मात्रै कायम गर्नुपर्ने बताए। उनले संसदको प्रतिष्ठाका लागि सत्ता वा प्रतिपक्ष सबै एक ठाउँमा उभिनुपर्ने बताए। उनले संसदको कार्यकालबारे बेलैमा कानुनी प्रष्टता गर्नुपर्ने भए पनि सरकारले ढिलो गरेको समेत उल्लेख गरे।
उनले भने ‘मनोनयन गरेसँगै सांसदको पद जान्छ। चुनावपछि अन्तिम मतपरिणाम सार्वजनिक गरेका दिनदेखि नयाँ संसद सुरू हुने गरी अघि बढौं,’ ।
मंसिर ४ मा हुने चुनावका लागि निर्वाचन आयोगले असोज २३ मा प्रत्यक्षतर्फ उम्मेदवारको उम्मेदवारी दर्ता गर्ने आन्तरिक कार्यतालिका बनाएको छ।
