काठमाडौं, 1 सितम्बर 2022

निलम्बित प्रधानन्यायाधीश चोलेन्द्र शमशेर जबराको दोस्रो दिनको बयान सकिएको छ । आज ११ बजे महाअभियोग सिफारिस समिति बैठकले उनलाई बयानका लागि सिंहदरवारमा बोलाएको थियो । आज उनलाई समितिका सदस्यहरुले दुईवटा प्रश्न सोधेका थिए । यो सहित ४३ मध्ये ६ वटा प्रश्न सोधिएको छ । बुधबारबाट उनको बयान सुरु गरिएको हो । गत १ फागुनमा सत्तारुढ दलका सांसदहरुले जबराविरुद्ध महाअभियोगको प्रस्ताव प्रतिनिधिसभामा दर्ता गरेका थिए । प्रतिनिधिसभाले गठन गरेको महाअभियोग सिफारिस समितिले उनको बयान लिन थालेको हो । बयानका क्रममा उनले महाअभियोग प्रस्ताव नै निस्क्रिय भइसकेको र न्यायाधीश, बार पदाधिकारी र राजनीतिक दलका नेतामाथि गम्भीर आरोप लगाएका थिए । अर्को बैठक १९ गतेलाई राखिएको छ ।