काठमाडौं, 25 सितम्बर 2021

महिलाले महिनावारीमा प्रयोग गर्ने स्यानिटरी प्याडमा मूल्य अभिवृद्धि कर (भ्याट) लगाइएको भन्दै शनिबार पनि काठमाडौंमा बिरोध भएको छ । सेनेटरी प्याड निशुल्क गर सरकार भन्दै आम युवा अभियानले बिरोध प्रदर्शन गरेका हुन् । जनतालाई निशुल्क रुपमा बितरण गर्नुपर्ने बस्तुमा कर लगाइएको उनीहरुको आरोप छ । प्रदर्शनका क्रममा उनीहरुले निशुल्क रुपमा स्यानिटरी प्याड बितरण समेत गरेका थिए । यता सरकारले भने सेनेटरी प्याडमा कर बढाएको भ्रमपूर्ण हल्ला भएको बताइसकेको छ । बर्तमान सरकारले सेनेटरी प्याडको आयातमा भन्सार महसुल बढाएको भनी सामाजिक सञ्जाल र कतिपय सञ्चारमाध्यममार्फत फैलाइएको हल्लाप्रति ध्यानाकर्षण भएको भन्दै अर्थमन्त्रालयले आ.व. २०६९÷७० अघिदेखि लाग्दै आएको भन्सार महसुल नवढाइएको जनाएको छ ।