काठमाडौं, 26 अगस्त 2022
‘मिस युनिभर्स नेपाल-२०२२’को उपाधि सोफिया भुजेलले जितेकी छिन्। काठमाडौंमा बिहीबार आयोजना भएको कार्यक्रममा २० जना प्रतिस्पर्धीलाई पछि पार्दै सोफियाले ‘मिस युनिभर्स नेपाल’को उपाधि जितेकी हुन्। उनलाई सन् २०२१ की मिस युनिभर्स सुजिता बस्नेतले ताज लगाइदिएकी थिइन्। सोफियाले सोसल इम्प्याक्टर लिडर अवार्ड समेत जितिन। उमङ्ग क्रियसनको आयोजना भएको मिस युनिभर्स नेपाल टाइटल विजेता सोफियाले १० लाख रुपैयाँ नगदसहित इलेक्ट्रिक स्कुटर पुरस्कार पाएकी छिन। अब उनले ७१औँ मिस युनिभर्समा नेपालको प्रतिनिधित्व गर्नेछिन्। त्यसैगरि, फस्ट रनरअप विपना अधिकारी, सेकेन्ड रनरअप आश्मा केसी, थर्ड रनरअप सेफिना जोशी र फोर्थ रनरअप मोनालिसा पराजुली घोषित भइन्।
