नयाँ दिल्ली, 3 मार्च
प्रधानमन्त्री नरेन्द्र मोदीले सामाजिक सञ्जाल छोड्ने आफ्नो घोषणा प्रष्ट्याउनु भएको छ । मंगलवार प्रधानमन्त्रीले ट्वीट गर्दै आउँदै गरेको महिला दिवसमा आफ्नो सामाजिक सञ्जाल अकाउण्ट आफु प्रेरित रहेको महिलाहरुलाई समर्पित गर्ने बताउनु भएको छ । यसअघि सोमबार प्रधानमन्त्री मोदीले एक ट्वीट गरि सामाजिक सञ्जाल छोड्ने पोस्ट गर्नुभएको थियो । त्यसपछिनै मानिसहरुमा प्रधानमन्त्रीले किन सामाजिक सञ्जाल छोड्दै हुनुहुन्छ भन्ने अन्यौलता उत्पन्न भएको थियो ।
मोदीले मंगलबार गरेको ट्वीट
मोदीले सोमवार गरेको ट्वीट
त्यस ट्वीटको करीब 16 घण्टापछि पीएम मोदीले सो अन्यौलताको खुलासा गर्दै महिला दिवसको अवसरमा यस्तो अभियान चलाउने र यसमा जो सुकैले पनि भाग लिन सक्ने बताउनुभयो । प्रधानमन्त्री नरेन्द्र मोदीले मंगलवार दिँउसो ट्वीट गर्दै यस महिला दिवसमा आफ्नो सोशल मीडिया अकाउण्ट जुन महिलाहरुलाई जीवन र कामबाट प्रेरित भएकाहरुलाई प्रदान गर्ने बताउनुभयो । उहाँले यसले लाखौंलाई प्रेरित गर्ने पनि बताउनुभयो ।
