काठमाडौं, 13 जुलाई 2022
राष्ट्रपति विद्यादेवी भण्डारी र नेपाल भ्रमणमा रहेका चिनियाँ कम्युनिष्ट पार्टीका विदेश विभाग प्रमुख लिउ जियानचाओबीच शिष्टाचार भेटवार्ता भएको छ । राष्ट्रपति भवन शीतल निवासमा दुई देशबीचको सम्बन्ध र पारस्परिक सहयोगबारे भेटवार्ता भएको हो । चार दिने भ्रमणका लागि चिनियाँ टोली आइतवार काठमाडौं आइपुगेको हो। यसअघि लिउको टोलीले प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण र एमाले अध्यक्ष केपी शर्मा ओलीसँग भेट गरिसकेका छन्।
