काठमाडौं, 7 जनवरी 2023
राष्ट्रपति विद्यादेवी भण्डारीले साझा यातायातको बिजुली बसमा यात्रा गरी कार्यक्रममा सहभागी भएकी छिन्।
शनिबार ललितपुरको पिम्बहालमा आयोजित कार्यक्रममा सहभागी हुन उनी साझा बस चढेकी हुन्।
उनलाई लिन साझा बस महाराजगन्जस्थित राष्ट्रपति भवन शितल निवासमा पुगेको थियो। उनी त्यहाँबाट ललितपुरको पाटन ढोका बसपार्कमा ओर्लिएकी थिइन्।
उनलाई ललितपुर महानगरका मेयर चिरिबाबु महर्जनले स्वागत गरेका थिए भने उनले पाटन ढोकामा रहेको मदन पुस्तकालयको अवलोकन समेत गरेकी छन्। उक्त पुस्तकालयको अवलोकन पछी उनी कार्यक्रममा सहभागी भएकी हुन्।
