काठमाडौं, 4 अप्रैल 2023
नेकपा एकीकृत समाजवादीका अध्यक्ष माधवकुमार नेपालले राष्ट्रिय स्वतन्त्र पार्टी(रास्वपा) लाई सरकारमा ल्याउँदा राम्रो हुने बताएका छन्। कैलालीमा सञ्चारकर्मीहरुसँग कुरा गर्दै अध्यक्ष नेपालले यस्तो बताएका हुन्।
उपचुनावअघि पनि सरकारमा ल्याउने सहमति भएको भन्दै उनले भने, ‘निर्वाचनका कारण रोकिन पुग्यो । अहिले पनि कुराकानी भइरहेको छ ।’
बुधबार मात्र पनि प्रधानमन्त्री प्रचण्ड र रास्वपा सभापति रवि लामिछानेबीच कुराकानी भएको उनले सुनाए।
उनले सत्ता गठबन्धनमा कुनै समस्या नरहेको बताए । प्रदेश सरकारहरुलाई छिट्टै पूर्णता दिने समेत नेता नेपालले बताए ।
