22 अक्तूबर 2021

अमेरिकाको न्यूयोर्कमा बस्दै आएका युवा रोहित तिमिल्सिनाले अर्को विश्व कीर्तिमान गरेका छन् । गत सेप्टेम्बर १९ का दिन अमेरिकाको सियाटल वाशिङ्टनमा सो कीर्तिमान कायम गर्न सफल भएका हुन् । उनले त्यो समयमा कीर्तिमान गरेता पनि हालसालै उनले सो प्रमाणपत्र र पदक प्राप्त गरेका हुन् । उनले सो कीर्तिमान विश्व भरमा २४,५२३ जना एकै पटक भर्चुअल(परोक्ष अथवा अप्रत्यक्ष) मार्फत आयोजना गरिएको १० किमी दौडमा पनि सहभागी भइ उनले विश्व कीर्तिमान गर्नमा सफल भए । तिमिल्सिनाले खेलकुदमा अत्यन्तै अभिरुचि राख्ने र स्वयम् खेलाडी पनि हुन् । उनी विगत २० वर्षदेखि यस क्षेत्रमा होमिएका हुन् भने विगतमा उनले विभिन्न विधामा बिश्व कीर्तिमान गरेका छन् । विश्व कीर्तिमानी रोहितले नेपालमा बिश्व कीर्तिमान राख्न चाहना राख्ने र त्यस्ता व्यक्तिहरुलाई बिश्व कीर्तिमान बन्नलाई प्रोत्साहन र सहयोग गर्दै आएका छन् । नेपाल र अन्तराष्ट्रिय जगतमा नेपालीहरुले विश्व कीर्तिमान गरेको सुन्दा नेपाली भएको नाताले उनले अत्यन्तै गर्व लाग्ने जनाए ।