काठमाण्डौंँ, 26 अप्रेल
सरकारले लकडाउनको अवधि बैशाख 25 गतेसम्म लम्ब्याइएको छ। आज बसेको मन्त्रिपरिषद बैठकले लकडाउनको अवधि पाचौँ पटक 10 दिन थपेर बैशाख 25 गतेसम्म कायम राख्ने निर्णय गरेको हो। यसअघि बैशाख 2 गतेको मन्त्रीपरिषद बैठकद्वारा चौथो पटक थप गरिएको लकडाउन अवधि भोलि सोमबार बैशाख 15 मा सकिन लागेको थियो।
मुलुकमा कोरोना भाइरस संक्रमणका घटना बढ्दै गएपछि सरकारले पुनः लकडाउन लम्ब्याउने निर्णय गरेको हो। आज मात्रै वीरगञ्जमा र झापामा थप 3 जनामा कोरोना संक्रमण पुष्टि भएसँगै संक्रमित संख्या 52 पुगेको छ। 16 जना सन्चो भएर घर फर्किसकेका छन्।
कोरोना संक्रमण फैलन नदिन लकडाउन तथा सामाजिक दूरी र प्रतिबन्धात्मक कार्यक्रम नै प्रभावकारी रहेको भन्दै विश्व स्वास्थ्य संगठनले समेत लकडाउन तत्काल फुकुवा गर्न नहुने सुझाव दिँदै आएको छ। नेपालले पनि यिनै कुरालाई ध्यानमा राखी गत चैत 11 गतेबाट सुरु गरिएको लकडाउन पटकपटक बढाउँदै लगेको हो।
