काठमाडौँ, 29 मार्च 2020
सरकारले लकडाउनको अवधि लम्ब्याउने भएको छ। आइतबार बसेको कोभिड 19 रोकथाम तथा नियन्त्रण उच्च स्तरीय समितिको बैठकले लकडाउनको अवधि थप गर्नुपर्ने निश्कर्ष निकालेको हो। तर कति दिन भन्ने टुंगो लगाएको छैन।
बैठकमा सहभागी एक मन्त्रीले भन्नुभयो, ‘लकडाउन लम्ब्याउनुपर्छ भन्ने छलफल भएको छ, कति दिन भन्ने मन्त्रिपरिषदले निर्णय गर्छ।’ उहाँले कम्तिमा 7 दिन र बढिमा 14 दिन लकडाउनको अवधि बढाउन प्रस्ताव गरिएको बताउनुभयो। मन्त्रिपरिषद बैठक आज 4 बजे बस्नेछ।
यसअघि सरकारले चैत 11 गतेदेखि चैत 18 गते विहान 6 बजेसम्म लकडाउन गर्ने निर्णय गरेको थियो। यसपूर्व लागू गरिएको लकडाउनको अवधी चैत 18 गते बिहान 6 बजे सकिदै छ। तर लकडाउनको अवधी एक साता वा बढिमा दुई सातासम्म बढाईने निश्चित भएको छ।
