काठमाण्डौँ, 29 अप्रेल
कोरोना भाइरस (कोभिड–19) रोकथाम तथा नियन्त्रणका लागि लागू गरिएको लकडाउनको आज 37 औँ दिन पूरा भएको छ। कोरोना भाइरस महामारी रोकथामका लागि सरकारले चैत 11 गतेदेखि देशमा लकडाउन लागू गरेको छ। सरकारले पछिल्लो पटक 10 दिन समय थप गरी बैशाख 25 गतेसम्म लकडाउन लम्ब्याए पछि काठमाडौँ उपत्यकामा लकडाउन उल्लङ्घन गर्नेहरु बढेका छन्। सडक पेटीमा मानिसहरुको आवागमन फाट्टफुट देखिन्छ। सडकमा गुड्ने सवारी साधनहरु पनि केही बढेका छन्।
तर प्रहरीले चोक-चोकमा बसेर सवारी साधनको चेक-जाँचलाई कडा पारेको छ। उपत्यकामा मंगलबार मात्रै प्रहरीले 15 सयभन्दा बढी सवारी साधनलाई कारबाही गरेको थियो। बुधबार पनि सडकमा सवारी साधनहरु बढी देखिएपछि प्रहरीले कडाई गर्दै परिचय पत्र हेरेर कारबाही गर्ने गरेको छ।
अत्यावश्यक सेवाका सवारी साधनहरु सञ्चालनमा कुनै रोक लगाएको छैन भने खाद्य वस्तु ढुवानीका साधनहरु पनि सञ्चालनमा रहेका छन्। सहरका भित्रि सडकमा पनि आफ्नो घर नजिकको पसलसम्म पुगेर किनमेल गर्नेहरु देखिन्छन्। भित्रि सडकमा केही पसलहरु सञ्चालनमा आएका छन्
