काठमाण्डौँ, 9 मे 2020
कोरोना भाइरस नियन्त्रणका लागि सरकारले जारी गरेको लकडाउनको आज 47 दिन पुगेको छ। गत चैत 11 गतेबाट जारी लकडाउन जेठ 5 गतेसम्म तोकिएको छ। यद्यपी जेठ 5 गतेपछि लकडाउन के गर्ने भन्ने विषयमा सरकारले निर्णय गरेको छैन। लकडाउन जारी रहेपनि निर्माण क्षेत्र र विभिन्न उत्पादनका क्षेत्रहरु भने सुचारु हुन थालेका छन्। सरकारले विकास निर्माणका काम, उत्पादनका क्षेत्र र अत्यावश्यक वस्तु ढुवानीका सवारी साधन सञ्चालन गर्न दिने निर्णय गरेसँगै विभिन्न उद्योग, खाद्यान्नका पसलहरु सञ्चालनमा आएका छन्। बैंकिङ तथा वित्तिय क्षेत्रहरुपनि सञ्चालनमा आउन थालेका छन्।
नेपालमा अहिले कोरोना संक्रमितको संख्या 109 पुगेको छ। 30 जना उपचारपछि निको भएर घर फर्किएका छन्। 135 जना संकास्पद व्यक्ति विभिन्न अस्पतालका आइसोलेसनमा उपचाररत रहेको स्वास्थ्य तथा जनसंख्या मन्त्रालयले जनाएको छ।
