धनुषा, २६ फरवरी, २०२०
धनुषामा लागुऔषध नाइट्रोभेट ३ सय एम्पुलसहित सुजितकुमार यादवलाई प्रहरीले पक्राउ गरेको छ ।
यादव धनुषा सहिदनगर नगरपालिका ४ का हुन् । प्रहरी चौकी ठाडिझिँझाबाट खटिएको प्रहरीले भारतबाट नेपालतर्फ साइकलमा आउँदै गरेका यादवलाई जाँच गर्ने क्रममा उक्त परिमाणको लागूऔषध फेला परेपछि पक्राउ गरेको हो ।
सर्लाहीको पर्सा गाउँपालिका(६ बाट लागूऔषध स्पासमो १ सय ४० एम्पुल, नाइट्राभेट ३ सय एम्पुल र कफ सिरफ २० बोतलसहित २ जनालाई मंगलबार साँझ प्रहरीले पक्राउ गरेको छ ।
पक्राउ पर्नेहरूमा धनुषाको मिथिला नगरपालिका ९ का २८ वर्षीय सरोज लामा र सोही ठाउँ बस्ने २४ वर्षीय विमल लामा रहेका छन् ।
प्रहरी चौकी पर्सा सर्लाहीबाट खटिएको प्रहरीले भारतबाट नेपालतर्फ आउँदै गरेको ज.१३ प २१०८ नम्बरको मोटरसाइकललाई जाँच गर्ने क्रममा मोटरसाइकलको सिटमुनि लुकाइछिपाई ल्याउँदै गरेको अवस्थामा उक्त लागूऔषध फेला पारेको हो । त्यसपछि प्रहरीले दुवै जनालाई पक्राउ गरेको हो ।
