अछाम, ५ फरवरी, २०२० हिम शाह
पञ्चदेवल नगरपालिकाका वडाध्यक्ष पदमबहादुर धामीको हत्याको निष्पक्ष छानबिनको माग गर्दै विनायक बजार बन्द गरिएको छ । मृतकका आफन्तले बुधबार बिहानैदेखि बजार बन्द गराएका हुन् । बजारमा यातायातका साधन र पसलहरु बन्द छन् । सडकमा टायर बालेर प्रदर्शन गरिएको छ ।
वडा नम्बर २ का वडाध्यक्ष धामीको हत्या भएको दुई दिन बितिसक्दा पनि आफन्तले शव बुझेका छैनन् । उनीहरुले अनुसन्धानमा प्रहरीले ढिलाइ गरेको आरोप लगाएका छन् ।
अनुसन्धानका लागि कुकुर सहितको टोलि धनगढीबाट अछाम पुगेको जानकारी प्राप्त भएको छ ।
