काठमाडौं, 15 दिसम्बर 2021
नेपाली कांग्रेसको सभापतिमा शेरबहादुर देउवा विजयी हुनु भएको छ । दोस्रो चरणको मतदानमा अर्का प्रत्यासी डा. शेखर कोइरालालाई ९०७ मतान्तरले पराजित गर्दै देउवा दोस्रो कार्यकालका लागि सभापति पदमा निर्वाचित हुनु भएको हो । दोश्रो कार्यकालका लागि सभापति पदमा निर्वाचित भएपछि देउवाले निर्वाचित गराउने सबैमा धन्यवाद तथा आभार व्यक्त गर्नुभयो । बालुवाटारमा शुभकामना दिन आएका नेता तथा कार्यकर्तामाझ उहाले आभार व्यक्त गर्नुभएको हो । सभापति देउवालाई बधाई दिन बालुवाटारमा नेता तथा कार्यकर्ता र शुभेच्छुकको भिड नै लागेको थियो । त्यस्तै बालुवाटार पुग्नु भएका कांग्रेस नेता डा प्रकाशशरण महत्तले सवै नेताहरुलाई जोड्न सक्ने क्षमता देउवामा रहेको बताउनुभयो । महतले मुल अर्जुनदृष्टि आगामी निर्वाचन भएको भन्दै पार्टीलाई एकतावद्ध भएर लैजाने विश्वास व्यक्त गर्नुभयो । उहाले जनताकेन्द्रीत र देशको आवश्यकता र स्वर्थकेन्द्रीत पार्टी बनाउने धारणा पनि राख्नुभयो । दोस्रो चरणको मतदानमा ४ हजार ६२३ मत खसेकामा देउवाले २७३३ मत प्राप्त गर्नु भएको थियो भने निकटतम प्रतिद्वन्द्वी कोइरालाले १८५५ मत प्राप्त गर्नु भएको थियो । ३५ मत भने बदर भएको थियो । यसअघि २०७२ सालमा भएको तेह्रौँ महाधिवेशनमा तत्कालीन पार्टी उपसभापति रामचन्द्र पौडेललाई हराएर देउवा कांग्रेसको पार्टी सभापतिमा निर्वाचित हुनुभएको थियो ।
