नयाँ दिल्ली, 1 जनवरी 2020

विश्वभर नयाँ वर्ष 2020 र नयाँ दशकलाई हर्षोल्लासका साथ स्वागत गरिएको छ । विश्वका प्रसिद्ध संरचनाहरुमा काउन्टडाउनसहित नयाँ वर्षको स्वागत गरिएको छ । अष्ट्रेलियाको सिडनीस्थित हार्बर ब्रीज र सिडनी ओपेरा हाउस र मेलबोर्नस्थित आकाशमा रंगीचंगी आतिशवाजी गरिएको छ । दुबईका अग्ला भवनहरुमा पनि आतिशवाजीका साथ गएको वर्षको विदाई र नयाँ वर्षको स्वागत गरिएको छ ।

(मेलबोर्न) 

दुबईको सबैभन्दा अग्लो भवन बुर्ज खलिफामा आतिशवाजी, एलईडी प्रदर्शनी र लेजर प्रकाश प्रदर्शनी गरिएको छ । प्रदर्शनी हेर्नका लागि भवन वरपर हजारौंको संख्यामा देश-विदेशका मानिसहरुको उपस्थिति रहेको थियो ।

(बुर्ज खलिफा)

नयाँ वर्षको स्वागत जापानको टोक्यो, दक्षिण कोरियाको सियोल, हङकङ, सिङ्गापुर, थाईल्याण्ड , टर्कीको इस्तानबुल, रुस लगायत विश्वभर गरिएको छ ।

भारतका विभिन्न स्थानहरुमा पनि नयाँ वर्षलाई भव्य स्वागत गरिएको छ । गोवामा विभिन्‍न समुद्र तट र कयौं स्‍थानहरुमा नयाँ वर्षको स्‍वागतमा कार्यक्रमहरु आयोजित गरिएको छ । लाखौं मुम्बईबासीहरुले पनि नयाँ वर्षको स्वागत धूमधामले गरेका छन । गेट वे अफ इण्डिया, मरीन ड्राइव, गिरगाम, चौपाटी र जुहू बीच लगायतका स्थानमा 2020 को स्वागत गरिएको हो ।

राजधानी दिल्लीका विभिन्न स्थानहरुमा पनि नयाँ वर्षको भव्य स्वागत गरिएको छ । दिल्लीका इण्डिया गेट र कनाट प्लेस क्षेत्रहरुमा मानिसहरुको बाक्लो उपस्थितिमा नयाँ वर्षको स्वागत गरिएको हो ।

नयाँ वर्षको आवसरमा राष्ट्रपति रामनाथ कोविन्द, उपराष्ट्रपति एम. वेंकैया नायडू र प्रधानमन्त्री नरेन्द्र मोदीले देशवासीहरुलाई शुभकामना व्यक्त गर्नुभएको छ ।

नेपालका प्रधानमन्त्री केपी शर्मा ओलीले आज विहान प्रधानमन्त्री नरेन्द्र मोदीलाई फोन गरि नयाँवर्षको शुभकामना आदान-प्रदान गर्नुभएको छ ।