नयाँ दिल्ली, 4 जनवरी 2020
विश्व पुस्तक मेला-2020 आजदेखि राष्ट्रिय राजधानीको प्रगति मैदानमा सुरू भएको छ। 9 दिने मेलाको उद्घाटन गर्नुहुँदै केन्द्रीय मानव संसाधन विकास मन्त्री रमेश पोखरियाल “निशंक”-ले साहित्य मानिसहरूको सवैभन्दा ठूलो मित्र भएको बताउनुभयो। उहाँले नयाँ दिल्ली विश्व पुस्तक मेला एसियाकै सबैभन्दा ठूलो पुस्तक मेला भएको तर्क गर्नुहुँदै यस मेलामा 600-भन्दा बढी प्रकाशकहरूले सहभागिता जनाइरहेको बताउनुभयो। मन्त्री निशंकले भारतलाई विश्वकै गुरूका रूपमा चित्रण गर्नुहुँदै सारा विश्वले भारतबाट सिकेको बताउनुभयो। उहाँले विश्वले वर्तमानमा आतङ्कवाद जस्ता समस्याहरूको सामना गरिरहेको हुँदा गान्धीजीको सत्य तथा अहिंसाको सिद्धान्थको पालना गर्नु नितान्त आवश्यक रहेको बताउनुभयो।
यस पटक पुस्तक मेलाको मूल विषयवस्तु ‘महात्मा गान्धी’ राखिएको छ। गान्धी-माथि आधारित एउटा विशेष स्टल पनि राखिएको छ। जहाँ छुट्टा-छुट्टै भाषाहरूमा 500-भन्दा बढी पुस्तकहरू उपलब्ध हुनेछ। मेला प्रत्येक दिन बिहान 11 बजेदेखि राति 8 बजेसम्म सर्वसाधारणको लागि खुला गरिनेछ। पुस्तक मेला 12 जनवरीसम्म चल्नेछ।
