दिल्ली, 9 अगस्त 2022
विहारका मुख्यमन्त्री नितिश कुमारले बिहारमा भाजपासँगको गठबन्धन तोडेका छन् । आफ्नो दललाई कमजोर बनाउन भूमिका खेलेको भन्दै जदयूले भाजपासँगको गठबन्धन तोडेको हो। पटनास्थित मुख्यमन्त्री आवासमा बसेको जदयूका सांसद र विधायकहरूको बैठकले भाजपा सँगको गठबन्धन तोडिएको घोषणा गरेको हो। बैठकमा जदयूका नेता तथा मुख्यमन्त्री नितीश कुमारले भाजपाले जहिले पनि आफूहरुलाई कमजोर बनाउन भूमिका खेलेकाले उक्त पार्टीसँग सत्ता सहकार्य गर्न नसकिने भन्दै ब्रिफिङ गरेका थिए। भाजपाले आफूहरुलाई सन् २०१३ देखि अहिलेसम्म धोका मात्रै दिएको उनको भनाइ थियो। भाजपासँगको गठबन्धन टुटेपछि जदयूले अब विधान सभाको सबैभन्दा ठूलो तथा प्रमुख विपक्षी पार्टी राष्ट्रिय जनता दलसहित कांग्रेस र वाम घटकहरुसँग मिलेर सरकार बनाउने भएको छ।
