बेंगलुरु, 3 जनवरी 2020
प्रधानमन्त्री नरेन्द्र मोदीले नयाँ दशकका लागि विभिन्न क्षेत्रमा वैज्ञानिक अनुसन्धानको दिशा र गति निर्धारण गर्न एक प्रभावकारी रूपरेखा तयार गर्न वैज्ञानिकहरुलाई आह्वान गर्नुभएको छ ।
हिजो बेंगलूरूमा रक्षा अनुसन्धान र विकास संगठनको पाँचवटा युवा प्रयोगशालाहरुलाई राष्ट्रप्रति समर्पण गर्दै प्रधानमन्त्रीले यस्तो आह्वान गर्नुभएको हो । उहाँले यी प्रयोगशालाहरु भावी रक्षा प्रणालीको विकासमा अत्याधुनिक प्रविधिलाई प्रवर्द्धन गर्ने समेत बताउनुभयो ।
यसअघि उहाँले टुमकुरुमा सम्बोधन गर्दै नागरिकता संशोधन अधिनियमविरुद्ध जारी विरोध प्रदर्शन अनुचित भएको भन्दै पाकिस्तान अल्पसंख्यकहरुमाथि निरन्तर अत्याचार गरिरहेको छ भन्ने विषयमा विरोध हुनुपर्ने बताउनुभयो । उहाँले पाकिस्तानले सँधै धार्मिक अल्पसंख्यकहरुलाई उत्पीडित गरेको र उनिहरुको मदत गर्नु भारतको दायित्व भएको पनि बताउनुभयो ।
