भक्तपुर, 19 नवम्बर 2021
शिक्षा, विज्ञान तथा प्रविधि मन्त्री देवेन्द्र पौडेलले नतिजा प्रकाशनमा गम्भीर बन्न राष्ट्रिय परिक्षा बोर्डलाई निर्देशन दिनुभएको छ । शुक्रबार बोर्डको अनुगमनका गर्न सानोठिमी पुग्नुभएका मन्त्री पौडेलले कक्षा १२ को नतिजा प्रकाशनमा ढिलाई भएको गुनासो आएको भन्दै प्राविधिक कुरा मिलाएर नतिजा प्रकाशनमा गम्भीर बन्न निर्देशन दिनुभएको हो । उहाँले परिवर्तित अवस्थामा परीक्षा बोर्डलाई चुस्त दुरुस्त राख्नुपर्ने बताउनुभयो । त्यस्तै मन्त्री पौडेलले परीक्षा अगावै प्रश्नपत्र परीक्षा बाहिरिने गरेको गुनासो आएकोप्रति संवेदनशील बन्न पनि आग्रह गर्नुभयो । उहाँले बोर्डमा भएका नितिगत समस्याहरुलाई समाधान गर्न सरकार प्रतिवद्ध रहेको उल्लेख गर्नुभयो ।
