नयाँ दिल्ली , २१ जनवरी २०२०
श्रीलंकाका राष्ट्रपति गोताबया राजापाक्षेले देशको गृहयुद्धको दौरानमा बेपत्ता २० हजारभन्दा बढी नागरिकको मृत्यु भइसकेको बताएका छन् ।
राजधानी कालम्बोमा संयुक्त राष्ट्र संघका एक दूतसँगको भेटघाटका क्रममा राष्ट्रपति राजापाक्षले बेपत्ता २० हजारभन्दा बढीको मृत्यु भइसकेको बताएका छन् ।
श्रीलंकामा २६ वर्षसम्म चलेको गृहयुद्धका क्रममा हजारौं मारिएका थिए भने उत्तिकै संख्यामा बेपत्ता पनि थिए । बेपत्ताका परिवारले लामो समयदेखि आफ्ना सदस्यको अवस्था सार्वजनिक गर्न सरकारसँग माग गर्दै आइरहेका छन् ।
अन्तर्रा्ष्ट्रिय सञ्चारमाध्यमहरूले जनाएअनुसार, संयुक्त राष्ट्र संघका दूतसँगको भेटको दौरानमा राजापाक्षले ती सबैको मृत्यु प्रमाणपत्र जारी गर्ने तयारीे गरिरहेको बताएका छन् ।